தமிழீழ தேசத்தின் விடுதலைக்காக தம் இன்னுயிரை ஈந்த மாவீரர்களுக்கு மரியாதை செலுத்தும் நாளான நவம்பர் 27ல் இப்புனிதர்களை பெற்றெடுத்த பெற்றோர்களையும், அவர்களின் இரத்த உறவுகளையும் மதிப்பளிக்கும் நிகழ்வு பிரான்சில் இவ்வாண்டும் வழமைபோல் நடைபெறவுள்ளது.
தன் தாய் திருநாட்டின் சுதந்திரத்திற்காகவும், விடுதலைக்காகவும் உயிர்நீத்த வீரர்களையும், அவர்களை பெற்றெடுத்தவர்களையும் மதிப்பளிப்பதென்பது தமிழர்களால் மரபு வழியாக செய்யப்பட்டு வரும் மரியாதைக்குரிய நிகழ்வாகும்.
தமிழீழ தேசத்தின் விடுதலைக்காக தம்இன்னுயிரை ஈந்த மாவீரர்களுக்கு மரியாதை செலுத்தும் நாளான நவம்பர் 27ல் இப்புனிதர்களை பெற்றெடுத்த பெற்றோர்களையும், அவர்களின் இரத்த உறவுகளையும் ஆண்டு தோறும் மதிப்பளித்து வருகின்றோம்.
கடந்த ஆண்டுகளைப் போன்று இவ்வாண்டும் மாவீரர்களின் பெற்றோர்களையும், இரத்த உறவுகளையும் மதிப்பளிப்பதற்கு இதுவரை எம்முடன் பதிவில் உள்ளவர்களும், இதுவரை பதிவுகளை மேற்கொள்ளாதவர்களும் தங்கள் பதிவுகளை மேற்கொள்ள நேரடியாக எமது அலுவலகத்துடனோ அல்லது தொலைபேசி மூலமாகவோ தொடர்புகொள்ளுமாறு கேட்டுக்கொள்கின்றோம்
